Страстная Седмица. Великая Среда.

Страстная Седмица. Великая Среда.

В последний раз в этом году в Великую среду совершается литургия Преждеосвященных Даров, на которой Церковь благовествует о жене, помазавшей Господа миром, и о предательстве Иуды (Мф. 26, 6-16), также в последний раз произносится молитва преподобного Ефрема Сирина с тремя великими поклонами.

Тропарь, глас 8

Се Жених грядет в полунощи, / и блажен раб, егоже обрящет бдяща: / недостоин же паки, егоже обрящет унывающа. / блюди убо душе моя, / не сном отяготися, / да не смерти предана будеши, / и Царствия вне затворишися, / но воспряни зовущи: / Свят, Свят, Свят еси Боже, / Богородицею помилуй нас

Кондак, глас 4

Паче блудницы Блаже, беззаконновав, / слез тучи никакоже Тебе принесох, / но молчанием моляся припадаю Ти, / любовию облобызая пречистеи Твои нозе, / яко да оставление мне яко Владыка / подаси долгов, зовущу Ти Спасе: / от скверных дел моих избави мя.

Ексапостиларий

Чертог Твой вижду, Спасе мой, украшенный, / и одежды не имам, да вниду вонь: / просвети одеяние души моея / Светодавче, и спаси мя.

На стиховне самогласен. Глас 8:

Господи, яже во многия грехи впадшая жена, / Твое ощутившая Божество, / мироносицы вземши чин, / рыдающи миро Тебе прежде погребения приносит: / увы мне, глаголющи, / яко нощь мне есть разжжение блуда невоздержанна, / мрачное же и безлунное рачение греха. / Приими моя источники слез, / иже облаками производяй моря воду. / Приклонися к моим воздыханием сердечным, / приклонивый небеса неизреченным Твоим истощанием: / да облобыжу пречистеи Твои нозе, / и отру сия паки главы моея власы, / ихже в раи Ева, по полудни, шумом уши огласивши, страхом скрыся. / Грехов моих множества, / и судеб Твоих бездны кто изследит? / Душеспасче Спасе мой, / да мя Твою рабу не презриши, / иже безмерную имеяй милость.